Monday, February 18, 2013

Monday of the 1st Week of Lent (Year C)


Mateo 25:31-46. Unsa may mensahe sa sambingay sa “Katapusang Paghukom” para kanato karon? Ang maong sambingay naghatag kanato og dakong rason nganong angay higugmaon ang isigkaingon, ilabi na ang mga kabos tang igsoon. Si Cristo nga hari miingon: “Amen, sultihan ko kamo nga bisan unsay inyong buhaton ning ubos kong mga igsoon, inyo kining gibuhat kanako”. Usahay, maghunahuna ra ba kita nga ang pagkakabos usa ka silot gikan sa Dios. Apan, ang sambingay nagtudlo kanato nga bulahan ang mga kabos tungod kay sa talagsaong paagi nakighiusa kanila ang Dios. Dugang pa niini, ang sambingay nagpahinumdum kanato nga ang tanang maayo nga atong himoon para sa isigkaingon, bisan unsa ka gamay, bililhon kaayo sa mga mata sa Makagagahum.