Lukas 9:22-25. Unsa man ang
angay natong hatagan og bili ning kinabuhi? Ang atong kailibgon magtuklod
kanato sa pagpaninguha sa mga kalibotanong butang sama sa kwarta, celfone,
laptop, TV set, kotse, balay ug uban pa. Kasagaran, ang atong mga paningkamot
magtumong sa pagtagbaw sa kaugalingon. Apan, ang ebanghelyo magpahinumdum
kanato nga gihimo kita dili para sa kalibotan kondili para sa Gingharian sa
Dios. “Aduna bay makuha ang tawo kon maiya ang tibuok kalibutan apan mawala ang
iyang kinabuhi? Wala gayod!” Iasa man tuod nato ang mga materyal nga butang kon
kini makapalayo kanato sa Ginoo? Ning kwaresma, disiplinahon nato ang atong
kailibgon ug maninguha kita sa kaayohan sa uban kay kini ang magdala kanato og
kaluwasan.
