Marcos 6:1-6. Unsa man ang
papel sa mga kabos diha sa katilingban sa Dios? Tungod sa pagka-ordinaryo sa
Iyang pamilya ug tungod kay Siya usa lamang ka karpentero, si Jesus wala tuohi
sa Iyang tagilungsod. Kining sayop nga batasan anaa gihapon sa atong katawhan
karon. Daghan kanato adunay pagpihig sa mga inila, dato ug edukado, apan walay
pagsalig sa mga ordinaryong tawo, kabos, ug walay grado. Apan, sa mga mata sa
Ginoo, ang tawo dili pagahukman pinaagi sa iyang dungog, bahandi, o edukasyon,
kondili pinaagi sa iyang kasingkasing ug gugma. Si Cristo usa ka tinuod nga
propeta tungod kay Iyang gidala ang kasingkasing ug gugma sa Dios Amahan. Kita
usab, mapobre o madato, adunay bokasyon sa pagkapropeta gikan sa Ginoo ug para
sa Iyang katawhan.
