Mateo 7:7-12. Unsa may angay
natong lauman diha sa pag-ampo? Ang ebanghelyo karon nagtudlo kanato sa
pagpangayo og mga maayong butang diha sa pag-ampo. Sa pag-ingon ni Cristo,
“Pangayo ug hatagan kamo”, wala Niya ipasabot nga makapangayo kita sa Ginoo sa
bisan unsay atong gusto. Isip usa ka Mahigugmaong Amahan, paminawon sa Ginoo
ang tanan natong pag-ampo. Pero, mohatag lamang Siya sa mga butang nga
makatabang kanato. Kon kita, nga mga makasasala, makamao nga mohatag sa mga
butang nga makaayo ngadto sa atong mga anak, unsa na kaha ang atong Langitnong
Amahan? Busa, kon ang atong gipangayo diha sa pag-ampo wala ihatag kanato, dili kita angay'ng magmahay sa Ginoo. Siya
ang labing nasayod unsay angay para kanato.
