FRIDAY OF THE 28TH WEEK IN ORDINARY TIME (YEAR B)

LUKAS 12:1-7. NGANONG DAOTAN MAN ANG PAGPAKAARON-INGNON? Ang maayong buhat, sama sa paghatag og limos, mahimong daotan kon kini atong buhaton nga pakitang-tao lamang. Bisan gani ang pagsimba mawad-ag bili kon kini atong gihimo aron lamang daygon. Ang pagpakaaron-ingnon usa ka matang sa pagpangilad sa isigkatawo. Kasagaran, ang pagpakaaron-ingnon ubanan sa daotang katuyoan. Pananglitan, magpakita ka nga matinabangon aron pili-on sa umaabot nga eleksyon, o kaha, aron magustohan sa tawo nga gi-angayan. Si Hesus nagpahimangno: “Bisan unsay gitabonan madayag, ug ang tanang tinagoan mabutyag.” Sa pagkatinuod, dili nato malinlongan ang Dios. Sakto ang pahimangno: “God knows our heart, and He cannot be deceived. We might be able to fool the world at times, but we cannot fool God.”