WEDNESDAY OF THE 27TH WEEK IN ORDINARY TIME (YEAR B)

LUKAS 11:1-4. UNSA MAY MENSAHE NING HAMUBONG PAG-AMPO NGA GITUDLO NI HESUS? Usa ka dakong grasya ang katungod sa pagtawag sa Dios nga atong Amahan. Mahimo nato Siyang tawgon nga “Tatay”, “Papa”, o “Daddy”. Sa pag-ampo, ang atong giduol usa ka Dios nga miila kanato nga Iyang pinanggang mga anak. Dili kita angay’ng maulaw o mahadlok Kaniya. Dili usab kita angay’ng mabalaka sa daghang mga butang tungod kay atong nasayran kang Kristo nga ang Dios usa ka mahigugmaong Amahan nga nasayod unsay atong gikinahanglan, nagbantay kanato sa kanunay, dugay nga masuko, puno sa kaayo, mapasayloon, ug naglantaw kanunay sa atong kaluwasan. Sakto ang giingon sa usa ka magsusulat, “As children of God, we are greater than anything that can happen to us.”