Monday, September 17, 2012

Monday of the 24th Week in Ordinary Time (Year B)


Lucas 7:1-10. Unsa may atong pagbati sa mga tawo nga dili sama nato og pagtoo o estado sa kinabuhi? Diha sa ebanghelyo si Jesus nakadayeg pag-ayo sa usa ka Romanhong opisyal tungod sa iyang nindot nga batasan. Usa siya ka hentil ug walay pagtoo sama sa mga Hudiyo, apan aduna siyay dakong pagtahod sa nasod sa Israel ug nagtukod pa gani og mga balay-ampoanan para sa mga magtotoo. Dugang pa niini, ang maong opisyal adunahan ug gamhanan, apan nagpakita siya og talagsaong pagtagad sa iyang sulugoon. Nangaliyupo siya kang Jesus nga unta ayohon niya ang iyang katabang nga himalatyon. Kining ebanghelyo nagtudlo kanato nga ang Dios malipay pag-ayo kon kita magpakita og kaayo sa mga tawo nga lahi kanato og tinoohan ug kahimtang.