Juan
19:25-27. Nganong angay kitang mag-inambitay sa kasakit sa usag-usa?
Adunay panultihon sa Ingles nga nagkanayon, “Shared grief is half
the sorrow”, nga sa ato pa, ang kagul-anan nga gi-ambitan mahimong
sayon ug gaan. Ang Birhen Maria gipasidunggan karong adlawa tungod
kay pinaagi sa buhat siya nagtudlo nga ang tiunay nga gugma masukod
kon kini andam moambit sa kasakit sa tawong gihigugma. Didto sa
tiilan sa krus, si Maria nagpabilin ug nakighiusa sa tanang pag-antos
sa iyang anak nga si Jesus. Si Maria magpahinumdum kanako sa akong inahan. Samtang nagsud-ong siya sa akong igsoong babaye nga
naglisod sa sakit nga cancer, siya miingon: “Dong, kon mahimo pa
lang, ako nay modawat sa tanang pag-antos sa imong igsoon.”
