Juan
3:13-17. Unsa may kahulogan sa krus sa atong kinabuhi isip mga
Kristiyanos? Sa karaang panahon, ang krus maoy instrumento nga
gigamit sa pagsilot og tawo. Apan diha ni Cristo, ang krus nahimong
instrumento sa pagluwas og tawo. Alang sa mga walay pagtoo, ang krus
nagpabiling simbolo sa kamatayon; pero para kanato, ang krus maoy
simbolo sa gugma nga matinud-anon. Usa ka bata ang nangutana sa iyang
amahan, “Tay, gihigugma mo ba ako?” Mitubag ang amahan, “Oo
anak, ang gugma ko kanimo dako kaayo.” Pero, nangutana pa gyod ang
anak, “Tay, unsa kadako?” Gidupa sa amahan ang iyang mga kamot ug
miingon, “Ingon ani kadako anak.” Unya mipahiyom ang bata nga
namulong, “Tay, sama diay sa gugma ni Cristo ang gugma mo kanako.”
