Lucas
6:12-19. Nganong kinahanglan kita motabang sa mga apostolado sa
Simbahan? Diha sa ebanghelyo atong nasayran nga wala luwasa ni Jesus
ang kalibotan nga nag-inusara; nagdapit siya og mga tawo nga motabang
sa iyang buhat sa pagpangluwas. Dili lang mga apostoles kondili
kitang tanang mga sumusunod ni Cristo gidapit sa pagdala sa iyang
presensya ug sa pagpadayon sa iyang trabaho dinhi sa kalibotan.
Daghan kanato igo lang mosimba og Domingo ug mohatag og donasyon sa
Simbahan. Bisan tuod importante kini, dili kini igo. Ang tinuod nga
Kristiyano adunay apostolado. Kinahanglan kitang motabang bisan usa
na lang sa mga apostolado sa Simbahan: para sa pamilya, sa
kabatan-onan, sa masakiton, sa social action, ug lain pang kapilian.
