Lucas 7:36-50. Unsa may gusto nato para
sa usa ka makasasala – kaluwasan ba o kaparotan? Didto sa sulod sa langit,
nakurat ang bag-ong niabot nga si Tikya sa dihang nakita niya ang iyang silingan
nga tsismosa ug ang iyang kauban sa trabaho nga babaero. Nisamot ang iyang
kakurat sa dihang natagboan niya sa unahan ang ilang kanhiay’ng mayor nga naila
sa pagkakurakot. Wala niya kapugngi ang kaugalingon sa pagpangutana kang San
Pedro: “Nyor, nganong ania man sa langit ang mga makasasala?” Giingnan siya ni
San Pedro: “Tikya, nakabantay ka ba nga nanglurat ang mga mata sa mga tawo
dinhi samtang nagtan-aw kanimo?” Mitubag si Tikya, “Oo Nyor, naunsa man na
sila?” Ug mitubag si Pedro: “Nakurat pud na sila nganong nalangit ka?”
