Lucas
7:11-17. Unsa may buhaton ni Jesus panahon sa atong kalisod? Ang
ebanghelyo nagsaysay giunsa ni Jesus pagtabang ang usa ka biyuda nga
namatyan og bugtong anak nga lalaki. Tungod sa iyang dakong kalooy,
gibanhaw sa Ginoo ang batan-ong lalaki gikan sa kamatayon. Kining
maong hitabo magpahinumdum kanato nga ang Dios magpakabana ug andam
motabang sa atong kalisdanan. Si Nanay Tal usa ka biyuda nga sakop sa
among parokya. Usa pa lang gani ka tuig nga nawala ang iyang bana,
misunod pud og kamatay ang iyang anak nga lalaki. Sa iyang kakabos ug
sa nahitabo sa iyang pamilya, hapit na siya kawad-i og paglaum. Pero
ang Dios nitubag sa iyang mga pag-ampo pinaagi sa pagtandog og mga
tawo nga maoy nitabang kaniya.
