Lucas 8:4-15. Nganong angay natong
isabwag ang maayong binuhatan ngadto sa uban? Usa ka mag-uuma ang naila tungod
sa iyang abot nga mais nga tam-is kaayo. Gipangutana siya kon unsa ang iyang
sekreto niini. Siya mitubag: “Gipaambit ko lang ang liso sa akong mais ngadto
sa akong mga silingan.” Daghan ang nahibulong, “Nganong gibuhat man nimo kana?
Aduna na hinoon kay mga kumpitensya.” Ug mipasabot ang mag-uuma: “Kon ang akong
mga silingan adunay daotang klase sa mais, malagmit madaot usab ang akong
kamaisan tungod sa “cross-pollination”. Apan kon ang akong mga silingan adunay
maayong kamaisan, mosamot katam-is ang akong mga mais.” Susama niini ang
mahitabo kon mga maayong buhat ang atong isabwag. Kita ra usab ang mabulahan.
