MATEO 13:24-33. Kinsa man
ang mga “maayong liso” ug ang mga “sagbot”? Gipasabot ni Kristo nga ang mga
maayong liso mao ang mga anak sa Gingharian ug ang mga sagbot mao ang mga anak
sa yawa. Adunay magsasangyaw nga mopasabot sa sambingay pinaagi sa pag-ingon
nga ang mga maayong liso mao ang katawhan sa simbahan ug ang mga sagbot mao ang
katawhan nga anaa sa kalibotan nga dili mosulod sa simbahan. Apan dili kini
sakto nga pagpasabot. Si San Agustin nagpahinumdum kanato nga dili lamang sa
kalibotan adunay mga “sagbot” kondili bisan diha sa Simbahan. Ang Simbahan gimugna
sa mga tawo nga balaan ug sa mga tawo nga makasasala. Gani, bisan sa matag usa
kanato adunay kaayo ug adunay kadaotan. Kinahanglang ilhon nato kini aron
kitang tanan mangaliyupo sa Dios alang sa atong kaluwasan.
