MATEO 13:44-46. Nakaplagan na
ba nato ang Gingharian sa Dios? Sa teolohiya, ang “Gingharian sa Dios”
nagpasabot sa usa ka kahimtang sa kinabuhi diin ang kabubut-on sa Dios mao nay
gisunod sa mga tawo. Ang duha ka mugbong sambingay ni Kristo nagsaysay
mahitungod sa duha ka tawo nga mosugot mawad-an sa ilang katigayonan aron lang
maangkon ang bahandi ug mutya nga ilang nakaplagan. Ingon ani ba usab
kabililhon ang Gingharian sa Dios para kanato? Makatubag kita’g “Oo” kon
mosugot na kita nga makuhaa’g ginansya aron makahatag og saktong sweldo sa mga
empleyado, o kon mabalibaran na nato ang kwarta nga ihatag isip bayad sa usa ka
imoral nga buhat, o kon makamao na kitang magsakripisyo para sa kaayohan sa
uban. Diha lamang sa pagtuman sa kabubut-on sa Dios nato makaplagan ang Iyang
Gingharian.
