Juan 11:19-27. Unsa man ang
maayong ehemplo nga angay natong sundon kang Santa Marta? Diha sa ebanghelyo si
Marta nagpakita kanato unsa ang tinuod nga pagtoo. Nagtoo siya nga ang Ginoo
motabang sa iyang igsoon nga si Lazaro ug tungod niini nagpadala siya’g mensahe:
“Ang imong hinigugma nagmasakiton”. Usa kini ka hamubong pag-ampo nga iyang
gipadala ngadto sa Ginoo. Ug bisan namatay na ang iyang igsoon, si Marta
nagpabilin sa iyang pagtoo ug pagsalig sa Ginoo. Atubangan ni Jesus siya
niingon: “Kon dinhi ka pa lamang Ginoo, dili unta mamatay ang akong igsoon.
Apan nasayod ako nga bisan unsay imong pangayoon sa Dios, Iya kining ihatag
kanimo.” Kining pagtoo ni Marta magdasig unta kanatong tanan sa pagpabiling
masaligon sa panabang sa Dios atubangan sa mga problema nga atong gisagubang.
