LUKAS 19:45-48. UNSA
MAY MAKASUKO SA GINOO? Sa panahon ni Hesus, adunay mga tawo didto sa templo nga
nagpadato sa ilang kaugalingon pinaagi sa pagpamaligya og mga mananap ug
pagpamaylo’g kwarta nga ihalaray. Sa maong sistema, looy ang mga kabos nga
muadto sa templo tungod kay mapugos man sila sa pagbayad og labaw pa kaysa
angayan. Para kang Hesus, usa kini ka pagpanamastamas batok sa Dios ug
inhustisya batok sa isigkatawo. Ang pagpadayag sa kasuko ni Hesus magpakita
unsa kangil-ad ang buhat sa pagpahimulos sa kahimtang sa mga kabos. Pinaagi
ning ebanghelyo, gimahimangnoan sa makusganong paagi ang tanang mga nangulo sa
Simbahan ug sa katilingban nga dili magpahayahay sa kaugalingon pinaagi sa
pagpamintaha sa mga kabos. Kon buhaton nila kini, maila ang dakong kasuko sa Dios.
No comments:
Post a Comment