JUAN 15:18-21. KINSA MAN ANG
NANAG-IYA KANATO, ANG KALIBOTAN O ANG GINOO? Ang mga tawo nga gipanag-iya sa
kalibotan mao sila nga wala nay laing gihunahuna kondili ang pagpangita’g
kwarta, pag-angkon og materyal nga mga butang, ug pagsiguro sa kaugalingong
kaayohan. Ang mga kalibotanon walay panahon sa Dios ug walay pagpakabana sa
kahimtang sa mga kabos. Sa laing bahin, ang mga tawo nga gipanag-iya sa Dios
maampoon, mahigugmaon ug matinabangon. Sila ang mga sumusunod ni Kristo. Ang
ilang pagtrabaho ug pagnegosyo tinarong, makiangayon ug dili nilaog. Dili nila
kalimtan ang panahon para sa Dios ug dili usab nila ibaylo sa kwarta ang ilang mga
moral nga prinsipyo. Sakto ang giingon: “We all have titles and labels, but the
only one that matters is “Christ follower”.
No comments:
Post a Comment