Lukas 7:11-19. Aduna bay
pagbati ang Dios? Sa dihang kalit nga namatay ang iyang pinanggang anak, kining
usa ka amahan nakatuwaw, “Dili nako motoo og Ginoo!” Ug dili nato siya mabasol
sa iyang mga pulong sa pagmahay. Gani, kita usab usahay makapangutana sa
presensya ug gugma sa Dios sa mga panahon sa aksidente, kalamidad ug kamatayon.
Malooy ba ang Dios? Magpakabana ba Siya sa atong kalisod? Sa ebanghelyo karon,
atong nadungog si Jesus nga niingon sa byuda nga namatyan og anak, “Ayaw na
paghilak.” Di ba kini man usab ang kanunay natong malitok ngadto sa atong mga
hinigugma nga nagmagul-anon o sa mga tawo nga atong gikaloy-an? Ang mga pulong
ug buhat ni Jesus magpakita nga ang Dios mobati’g dakong kalooy ug motabang kanato
panahon sa kalisod ug kagul-anan.
