Marcos 12:18-27. Motoo ba kita sa Pagkabanhaw? Bisan tuod
sakop sila sa relihiyosong pundok, ang mga Saduseo walay pagtoo sa pagkabanhaw.
Kini tungod kay ang maong pagtulon-an wala hisgoti sa balaod ni Moises. Gawas
niana, ang mga Saduseo mga adunahan ug gamhanan; walay dakong hinungdan nga
mangandoy pa sila og laing kalibotan nga maghatag og kalipay. Apan dili ingon
niini ang angay’ng hunahuna ug pagbati sa mga tinun-an ni Cristo. Si Jesus
nag-ingon nga ang atong Langitnong Amahan maoy Dios sa mga buhi, ug dili sa mga
patay. Angay kitang motoo sa iyang gisaad: "Mouna ako ug mag-andam og
lugar alang kaninyo..." Busa, magmatarong kita sa atong kinabuhi karon
aron ang kinabuhing dayon atong maangkon.
