Mateo
6:1-6, 16-18. Unsa man ang kinaiya nga angay natong dalhon diha sa pagbuhat og
maayo? Si Cristo nag-ingon nga kon ang atong tuong kamot mohatag og limos, dili
nato angay’ng pahibaloon ang atong walang kamot. Iya kining pamaagi sa pagtudlo
kanato nga dili magpasigarbo sa atong mga maayong buhat. Usahay sa atong
pagbuhat og maayo, adunay laing tawo nga mapasidunggan. Kon mahitabo kini, dili
kita angay’ng masuko o masina. Hinoon, isipon nato kini nga kahigayonan sa
pagpakita sa Ginoo nga ang atong pagtabang kinasingkasing gayod, ug nga wala
kita mag-apas sa tawhanong pagdayeg lamang. Para sa usa ka sumusunod ni Cristo,
ang langitnong ganti mas bililhon pa kaayo kaysa pasidungog sa mga tawo.
