Mateo 5:1-12. Unsa man ang
nakabulahan sa tawo nga kabos sa espirito, nagsubo, mapaubsanon, nagtuman sa
sugo sa Dios, maluluy-on, putli og kasingkasing, naglihok alang sa kalinaw,
gilutos, gibugalbugalan ug gibutangbutangan? Ang maong tawo bulahan tungod kay
siya nahiusa kang Cristo. Ang “Beatitudes” (“Pagkabulahan”) naghulagway sa
pagkatawo ug kasinati-an ni Cristo. Ang iyang tibuok kinabuhi gisalig sa
Langitnong Amahan. Gituman niya ang kabubut-on sa iyang Amahan sama sa
pagtrabaho alang sa katarong, hustisya ug kaangayan. Ug tungod niini, siya
gipasipad-an, gibugalbugalan, gilutos ug gipatay. Ingon usab niini ang masinati
sa mga sumusunod ni Cristo. Ug sama kang Cristo, bulahan sila tungod kay maila
ang Gingharian sa Dios.
