Mateo
8:1-4. Unsa man ang pinakalisod nga kahimtang sa tawo? Si Blessed Teresa nga
taga Calcutta maoy nag-ingon: “Ang pinakagrabe nga sakit karon dili mao ang TB,
dili pud sanla, kondili ang pagka-sinalikway, pagka-pinasagdan ug pagka-wala-higugmaa.
Atong matambalan ang lawasnong sakit pinaagi’g medisina, pero ang pagka-masulob-on,
pagka-desperado ug pagka-walay-paglaum matambalan lamang sa gugma. Daghang mga
tawo ang gutom sa pan; apan daghan usab kaayo ang gutom sa pagtagad ug
paghigugma.” Kining mga pulong ni Beata Teresa magdasig unta kanato sa pagsunod
sa panig-ingnan ni Cristo nga nitugot sa usa ka sanlahon (sinalikway sa
katilingban) sa pagduol ug pagpakig-estorya kaniya. Siya andam nga mohikam ug
motagad sa tawo nga masakiton ug masulob-on.
