Mateo
6:24-34. Sayop ba ang mabalaka? Dili. Normal lamang sa usa ka tawo ang mobati’g
kabalaka. Apan, adunay mga tawo nga hilabihan ka mabalak-on, ug kini ang dili
maayo. Diha sa ebanghelyo, si Jesus nagpasabot nga dili kita angay’ng maguol
kanunay tungod kay dili man kita pasagdan sa Dios. Kon buhaton nato ang atong katungdanan,
ang Dios motabang kanato ug magpahiluna sa tanan. Dugang pa niini, gitudloan
kita ni Jesus sa dili pagpunay’g hunahuna sa mga butang kalibotanon tungod kay kini
dili maoy labing bililhon. Mas maayo kuno nga unahon nato sa pagpangita ang
Gingharian sa Dios ug ang pagtuman sa iyang kabubut-on. Si Jesus nipasalig nga kon
ato kining mahimo, ato usab nga maangkon ang tanang kaayo.
