Mateo
6:7-15. Unsa man ang saktong pamaagi sa pag-ampo? Sa pag-ampo, mosangpit kita
sa Dios sama sa usa ka anak nga mamarayeg sa iyang mapinanggaong amahan. Dayegon
ug pasalamatan nato ang Dios sa Iyang makanunayong pag-amping kanato. Dili kita
mangayo Kaniya sa bisan unsa na lang. Gani, dili angay nga magsigi lang kita’g
pangayo kay nasayod naman ang Dios sa atong mga kakulangon. Igo na nga hatagan
kita niya sa inadlaw-adlaw natong gikinahanglan aron mabuhi nga malipayon. Uban
niini, pangayoon nato ang grasya nga makapasaylo kita sa isigkatawo ug malikay
sa daotang binuhatan. Human sa atong pagdayeg ug pagpangayo, kinahanglan nga
mogahin kita’g panahon sa paghilom ug pagpamalandong sa mga Pulong sa Ginoo.
