Mateo
6:19-23. Unsa may atong gipakabahandi sa kinabuhi? Ang tawo dali ra madani sa
bahanding kalibotanon sama sa kwarta, balay, sakyanan, yuta, ug alahas. Dili
man sayop ang paghupot og mga butang nga sama niini kon kini atong kab-oton sa
saktong paagi, huptan sa saktong gidaghanon, ug gamiton sa saktong tumong. Apan,
adunay mga tawo nga mahungog sa materyal nga mga butang ug tungod niini mahimo
silang tikasan, bintahuso, laog, ug kawatan. Dili kini angay’ng mahitabo
kanato. I-asa man nato ang sobrang materyal nga bahandi nga dili man nato kini
madala sa kamatayon? Mas maayo pa nga atong sundon ang gisugo ni Cristo nga mao
ang pagtigum og bahanding langitnon, sama sa kaayo ug kamanggihatagon, kay kini
dili madugta ug dili mawala.
