MATEO 1:1-16, 18-23.
Unsa man ang pinakanindot nga gasa nga atong pwedeng mahatag kang Mama Mary sa
iyang birthday? Kasagarang mga inahan panahon sa ilang adlaw’ng natawhan
makadawat og bestida, pahumot, o kaha bag gikan sa ilang mga anak. Pero, adunay
usa ka inahan, atol sa iyang birthday, nga niingon kanako, “Padre, nadawat nako
ang pinakanindot nga birthday gift karong adlawa.” Sa dihang gipangutana ko
siya kon unsa ang gift, mahinangpon siyang nitubag, “Ang akong badlongon nga
anak niduol kanako nga naghilak ug nanumpa nga magbag-o na sa iyang kinabuhi.” Pagkabulahan
nga inahan! Unsa kaha kon kita usab makaingon sa Mahal nga Birhen, “Mama Mary,
sa imong birthday, manaad ako kanimo nga magmatinud-anon na ako sa pagsunod sa
mga lakang ni Kristo, imong Anak ug among Ginoo.”
