JUAN 3:13-17. Unsaon
man nato pagpasidungog ang Balaang Krus ni Kristo? Ang pagkulintas og Krus sa
atong li-og ug ang pagpahimutang og Krus diha sa atong panimalay, sakyanan o
mga lugar trabahoanan maoy usa ka pamaagi sa pagpasidungog sa Balaang Krus. Apan
kining tanan mahimo lamang makahuloganon kon kita mismo mosanong sa hagit ni
Kristo sa pagpas-an sa krus matag adlaw sa atong kinabuhi. Ang pagpas-an sa krus
mahimo nato sa daghang paagi sama sa (1) makugihong pagbuhat sa inadlaw-adlaw’ng
katungdanan, (2) matinud-anong pagtabang sa mga naglisod, (3) maisogong
pag-atubang sa mga pagsulay, ug (d) mapaubsanong pagdawat sa mga pagpanglutos
ug pagbiay-biay. Sa pagpas-an nato sa atong krus, kita nakighiusa ni Kristo sa
pagpadayag og dakong gugma ngadto sa Langitnong Amahan ug sa mga silingan.
