LUKAS 6:43-49. Unsa may kahulogan ning panultihon: “Dili
mamunga og daotan ang maayong kahoy, ug ang daotan dili makapamuga’g maayong
bunga”? Kining pagtulon-an ni Kristo mapamatud-an diha sa kinabuhi sa mata’g
tawo. Ang punoan sa usa ka tawo mao ang iyang kasingkasing. Ang tawo nga limpyo’g
kasingkasing magsulti sa kamatuoran ug magbuhat sa unsay sakto. Gikan sa usa ka
tawo nga maayo’g kabubut-on manggawas ang mga buhat sa kaluoy ug gugma. Apan,
ang tawo nga hugaw og kasingkasing dili magmatinud-anon sa iyang mga pinulongan
ug binuhatan. Gikan sa usa ka tawo nga ngil-ad og kabubut-on mosunod ang mga
buhat nga salawayon sama sa pagkasina, pagpanikas, pag-abuso ug pagpasigarbo.
Busa, ipahiluna nato ang atong kasingkasing sa Dios aron makapamunga kita’g mga
buhat nga dalaygon.
