LUKAS 5:33-39. Unsa
may gipasabot ni Hesus sa iyang pag-ingon, “Walay tawo nga magsulod og bag-ong
bino diha sa mga daang sudlanan nga panit”? Ang bag-ong bino mao ang mga pagtulon-an
ni Hesus nga maghatag og tinuod nga kalipay sa mga tawo nga mosunod niini. Ang
daang sudlanan mao ang naandang panghunahuna ug kasingkasing. Ang mga Pariseo ug ang mga magtutudlo sa
Balaod naglisod sa pagsabot ug pagdawat kang Hesus tungod kay nagpabilin man
sila sa ilang naandang paagi sa pag-ila ug pagsimba sa Dios. Kasagaran kanila adunay
ideya sa usa ka Dios nga layo sa tawo, daling masuko ug gahing magpasaylo. Apan
dili ingon niini ang Dios nga gipaila ni Hesus. Diha Kaniya napadayag ang usa
ka Dios nga makighiusa sa tawo, mahigugmaon ug mapasayloon. Kini ang Dios nga
angay natong ilhon, sundon ug simbahon.
