LUKAS 6:12-19.
Nganong kinahanglan kitang motabang sa mga apostolado sa Simbahan? Diha sa
ebanghelyo atong nasayran nga wala luwasa ni Hesus ang kalibotan nga
nag-inusara; nagdapit siya’g mga tawo nga motabang sa iyang buhat sa pagpangalagad
ug pagpangluwas. Dili lang mga apostoles kondili kitang tanang mga sumusunod ni
Kristo ang gidapit sa pagdala sa iyang presensya ug sa pagpadayon sa iyang
misyon dinhi sa kalibotan. Daghan kanato igo lang mosimba og Domingo ug mohatag
og donasyon sa Simbahan. Bisan tuod importante kini, dili kini igo. Ang tinuod
nga Kristiyano adunay apostolado. Kinahanglan kitang motabang bisan usa ning mga
apostolado sa Simbahan: para sa pamilya, kabatan-onan, masakiton, biblia,
katesismo, social action, ug lain pang kapili-an.
