LUKAS 5:1-11. Unsa
may tuyo ni Hesus sa paghimo sa milagro sa dakong kuha sa mga isda? Dihay
bagang katawhan nga nag-alirong kang Hesus; dako kaayo ang ilang kauhaw sa Dios
ug andam sila maminaw Kaniya. Nakita kini ni Hesus nga dakong kahigayonan sa
paghagit sa mga tinun-an kalabot sa ilang bag-ong misyon sa kalibotan: “Sukad
karon managat na kamo og mga tawo”. Kining misyon nga gibilin ni Hesus dili
gyod sayon. Nasayod kita nga bisan ang pagdala og usa ka tawo ngadto sa Ginoo
lisod nga buhaton. Ang paggiya og mga tawo ngadto sa katarong usa ka dakong
trabaho ug nanginahanglan og daghang pag-ampo. Ang ebanghelyo karon nagtudlo
kanato nga walay imposible kon anaa ang Dios. Busa, sa atong pagpanagat og mga
tawo, magkugi kita sa pag-ampo ug sa paghatag
og mga maayong pahimangno ug ehemplo.
