LUKAS 7:31-35. Unsa
may makapahimo sa tawo nga sirado sa pagpaminaw sa Pulong sa Ginoo? Daghan sa
mga Hudiyo nagreklamo sa mga paagi ni Juan; nagbagolbol usab sila sa mga
gipanghimo ni Hesus. Aduna bay sayop si Juan ug si Jesus? Wala. Sa pagkatinuod,
kining mga tawhana aduna nay naandan nga pamaagi ug dili na abli sa bag-ong panghunahuna.
Bisan sa atong panahon, adunay mga tawo nga sama niini’g kinaiya – magsigi la’g
panaway sa gihimo sa uban; apan sa ilang kabahin wala usay gihimo nga kaayohan.
Dili nimo matambagan kay dili maminaw ug magtuman sa ilang kagustohan. Adunay
panultihon nga nagkanayon, “The hardest thing to open is a close mind” (Ang
pinakagahi ablihan mao ang hunahuna nga sirado). Ang hinungdan sa ingon niini
nga batasan mao ang garbo. Ang garboso dili gyod makasabot ug makatuman sa
kabubut-on sa Ginoo.
