LUKAS 8:1-3. Nganong angay’ng respetohan
ang kababayenhan? Si Hesus naghatag sa mga babaye og susamang pagtahod nga
iyang gihatag sa mga lalaki. Sa ebanghelyo karon adunay mga babaye nga nag-uban
kang Hesus sa iyang ministeryo publiko. Kini nagpakita nga ang mga babaye
adunay aktibong papel sa pagtukod sa Gingharian sa Dios. Sukwahi kini sa
kultura sa mga Hudiyo nga nag-isip sa mga babaye nga ubos nga sakop sa
katilingban. Ang ehemplo ni Hesus maghagit kanato sa pagtahod sa mga
kababayenhan ug sa pag-ila sa ilang bililhong papel ug katakos. Si Juan Pablo
Dos nag-ingon: “Sa matag higayon nga daoton sa tawo ang dignidad sa mga
kababayenhan, tabla ra nga iyang gipakaubos ang iyang kaugalingon ug ang iyang
bokasyon” (Mulieris Dignitatem, 10).
