LUKAS 16:1-8. Unsa may atong makat-onan sa sambingay sa Malimbongon nga Piniyalan? Gidayeg ni Hesus ang piniyalan dili tungod sa iyang mangil-ad nga pagdumala sa kabtangan sa iyang agalon kondili sa iyang inantigo nga paglikay sa kadaot nga iya untang mahiagoman tungod sa iyang sala. Pinaagi ning sambingay si Kristo naghagit kanato sa pag-inantigo sa pagdumala sa atong espirituhanong kinabuhi. Kon ang tawo nga kalibutanon makamaong moluwas sa iyang kaugalingon, kita nga nagpuyo sa kahayag makamao usab unta nga molihok para sa atong kaluwasan. Ang Dios adunay plano para sa atong kinabuhi. Apan, ang yawa aduna usay plano para kanato. Andam ba ang atong kaugalingon aning duha? Magmaalamon unta kita nga mopili asa niini ang atong dawaton ug asa ang atong kontrahon.
No comments:
Post a Comment