MONDAY OF THE 33RD WEEK IN ORDINARY TIME (A)

LUKAS 18:35-43. Makadungog ba kita sa singgit sa mga kabos ug nanginahanglan? Ang makililimos nga buta diha sa daplin sa dalan maoy nagrepresentar sa mga tawo nga walay tingog sa katilingban. Sa dihang siya nisinggit, “Hesus, anak ni David, kaloy-i intawon ako!”, gipahilom siya sa mga tawo. Para sa kadaghanan, ang makililimos dili angay motingog kay makadisturbo sa uban. Apan, dili kini mao ang pagbati ni Hesus. Nihunong Siya, nakighinabi sa buta, ug nangutana, “Unsa may buot nimo nga buhaton ko kanimo?” Kining ebanghelyo maghagit kanato: sa pagbaton og dalunggan nga makadungog sa hilak sa mga kabos, masulob-on, ug maluyahon; sa paghupot og kasingkasing nga mobati sa kalisod sa uban; ug sa pagpanig-iya og baba nga makamaong mangutana, “Igsoon, unsa may akong ikatabang kanimo?”