LUKAS 18:1-8. Malahutayon ba kita sa atong pag-ampo? Sa
sambingay ni Kristo, ang huwes walay kahadlok sa Dios ni pagtahod sa
isigkatawo. Apan mihatag siya sa gipangayo sa biyuda tungod kay nagbalikbalik
man kini kaniya. Pinaagi ning hamubo nga sugilanon kita gidasig ni Hesus sa
pagmakanunayon sa pag-ampo. Nganong madiskurahe man kita sa pag-ampo? Tungod ba
kay wala ihatag sa Dios ang atong gipangayo? Sabton nato nga ang Ginoo usa ka
mahigugmaong Amahan, dili sama sa huwes nga walay balatian. Tubagon Niya ang
tanan natong pag-ampo, apan usahay ang Iyang tubag “Dili”. Modumili Siya sa
atong gipangayo kon kini makadaot kanato, o kon kini wala pa sa tukmang
panahon. Ug usahay dili ihatag sa Dios ang atong gipangayo tungod kay aduna
Siya’y giandam nga mas nindot pa kaysa atong gipangayo.
No comments:
Post a Comment