LUKAS 17:11-19. Nganong angay man kitang magpasalamaton? Gi-ayo
ni Hesus ang napulo ka sanglahon nga nagpakilooy kaniya. Apan niining napulo,
usa lamang ang nibalik aron sa pagdayeg ug pagpasalamat kang Hesus. Tungod
niini nakapangutana ang Ginoo, “Dili ba napulo man ang nangaayo? Hain naman ang
siyam?” Gipangita ni Hesus ang siyam dili tungod kay nanginahanglan Siya’g
pagdayeg kondili tungod kay nahibalo Siya unsa ang maayong pamatasan. Kinahanglan
sa tawo ang magpasalamat tungod kay ang pagkamapasalamaton maoy hiyas nga
makapalig-on ug makapadasig sa katilingban. Diha sa pagpasalamat, atong gidawat
nga kita nanginahanglan sa usa’g-usa ug nga kita nalipay sa pagtinabangay.
Pinaagi sa pagpasalamat, ato usab nga gidayeg ang Dios nga maoy tuburan sa
tanang madawat nga kaayohan.
No comments:
Post a Comment