LUKAS 17:26-37. Unsa may mahitabo sa Adlaw sa Paghukom?
Gihulagway ni Hesus ang maong panahon pinaagi sa pag-ingon: “Niadtong gabhiona,
may duha ka tawo nga magdulog sa higdaanan; kuhaon ang usa ug ang usa ibilin.” Pinaagi
ning panultihon gitudloan kita nga matag tawo manubag sa iyang kaugalingon
atubangan sa Ginoo. Dili nato mahimong ipasa ang maong responsabilidad ngadto
sa laing tawo. Nindot kini nga pahimangno tungod kay adunay mga tawo nga
magpasagad lang ug magsalig nga maluwas tungod sa katarong ug kamaampoon sa
ilang mga ginikanan, kapikas, o kaha kaigsoonan. Sayon ra nga moingon, “Iapil
lang ko og ampo” o “Ikaw lay pagbinuotan para nako”. Sayop! Sa Adlaw sa
Paghukom, ang atong binuhatan maoy susihon sa Ginoo, dili ang sa uban.
No comments:
Post a Comment