LUKAS 14:15-24. Unsa may hinungdan sa atong pagbalibad sa mga pagdapit sa
Dios? Diha sa sambingay, ang unang dinapit sa hari nibalibad tungod kay aduna
siyay susihon sa iyang napalit nga yuta. Mas gi-una niya ang trabaho kaysa
kombira sa hari. Pangutana: Gitugotan ba usab nato ang atong trabaho o negosyo
nga makapalayo nato sa Dios? Ang ikaduhang dinapit nibalibad tungod kay
nakapalit siyag 5 ka pares nga mga baka. Gipalabi niya ang kabtangan kaysa
pagpakig-uban sa hari. Pangutana: Gitugotan ba usab nato ang mga materyal nga
butang nga makababag sa atong pagpaduol sa Dios? Ang ikatulong dinapit
nibalibad tungod kay bag-o lang siyang nangasawa. Mas importante niya ang iyang
kapikas kaysa hari. Pangutana: Nakababag ba usab nato ang atong pamilya sa pagsunod
sa kabubut-on sa Dios?
No comments:
Post a Comment