LUKAS 14:25-33. Nganong angay man natong higugmaon ang Dios labaw sa
tanan? Ang Dios maoy himoon natong numero uno sa atong kinabuhi tungod kay Siya
man ang nagbuhat kanato ug sa tanan ning kalibotan. Kon wala ang Dios, wala
kitang tanan. Kining Magbubuhat wala magtan-aw kanato nga mga butang hinimo lamang.
Hinoon, Iya kitang giisip nga mga anak ug manununod sa Iyang ginghari-an. Sa
atong pagpakasala, Iyang gipadala ang Iyang Anak nga si Hesus aron magluwas
kanato gikan sa gahum sa kangitngit ug kamatayon. Busa, angay gayod nga ang
Dios maoy atong hatagan sa pinakadakong gugma. Makighinabi kita Niya dili
lamang kausa kondili sa daghang higayon kada adlaw pinaagi sa pag-ampo ug sa
Balaang Kasulatan. Maningkamot usab kita sa pagpuyo subay sa Iyang kabubut-on ug panig-ingnan.
No comments:
Post a Comment