LUKAS 16:9-15. Kinsa man ang naghari sa atong kinabuhi – ang
Dios ba o ang bahandi? Ang tawo nga gihari-an sa bahandi magsigi lang og
hunahuna kon unsaon pagpadaghan ang iyang kwarta ug kabtangan. Wala siyay
panahon sa Ginoo, sa kaugalingon, ug sa isigkatawo. Tungod kay gusto siyang
madato, dili niya batasan ang pagpaambit sa grasya ug paghatag og tabang sa
nanginahanglan. Samtang ang tawo nga giharian sa Dios magsigi og hunahuna kon
unsaon pagpasidungog ang iyang Magbubuhat. Bisan tuod nanginabuhi, aduna siyay
igong panahon para sa pag-ampo, pagpahulay ug pagpakighigalaay. Nasayod siya
nga ang kwarta ug bahandi lumalabay lamang ug dili angay’ng pakamatyan. Gamiton
niya kini sa sa pag-alagad sa Dios, pagtabang sa mga kabos, ug pag-atiman sa
kaugalingong panginahanglan.
No comments:
Post a Comment