LUKAS 17:7-10. Unsa may atong tumong sa pag-alagad sa Dios? Si
Hesus miingon: “Kon makabuhat na kamo sa tanan nga gisugo kaninyo, ingna ninyo
'Mga sulugoon kami ug nagbuhat lamang sa among katungdanan.'” Pinaagi ning mga
pulonga gitudloan kita ni Hesus sa pagsilbi sa Dios nga dili mag-apas og balos.
Sibo kini nga pahimangno tungod kay daghan kanato magserbisyo o kaha maghatag
og donasyon tungod kay adunay pangayoon sa Ginoo. Unya ra ba’g dili ihatag sa
Dios ang gipangayo magmahaymahay dayon kita. Kini magpakita lamang nga ang
atong pagpangalagad ug pagtabang sa Simbahan dili pa tiunay. Ang pag-alagad sa
Dios ug sa isigkatawo maoy atong katungdanan isip mga Kristiyanos. Buhaton nato
kini nga puno sa gugma ug walay panglantaw nga pasidunggan ug balosan.
No comments:
Post a Comment