LUKAS 19:1-10. Unsa man ang tinuoray nga paghinulsol sa sala?
Si Zaqueo wala na malipay sa iyang kahimtang ug nahimutangan. Anaa siya sa
ibabaw sa katilingban, apan gibati siya'g dakong kamingaw. Adunahan siya, apan
wala siyay kahigalaan. Mao kini ang bunga sa iyang daotang binuhatan. Karon,
gusto na siyang magbag-o ug mobalik sa Ginoo. Giingnan niya si Hesus: “Katunga
sa akong mga kabtangan, Ginoo, ihatag nako sa mga kabos, ug kon aduna man ganiy
akoy nalimbongan sa bisan unsa, ulian nako siyag upat ka pilo.” Aron maangkon
ang kaluwasan, andam si Zaqueo nga mobiya sa tanan niyang katigayonan. Pinaagi
kang Zaqueo gitudloan kita sa ebanghelyo nga ang matinud-anong pagbasol
pagaubanan gayod og dakong tinguha sa pag-ayo sa mga relasyon nga nadaot tungod
sa sala nga nahimo.
No comments:
Post a Comment