MATEO 14:13-21. Kon ang Dios tinuod nga maloloy-on
ug gamhanan, nganong wala man Siyay gihimo sa problema sa kagutom sa kalibotan?
Ang ebanghelyo nagsaysay sa gibating kalooy ni Jesus sa mga tawo nga nagsunod
kaniya. Giatiman niya ang ilang mga kalag pinaagi sa pagsangyaw sa Pulong, ug
ang ilang mga lawas pinaagi sa paghatag og pagkaon. Nganong dili man niya kini
himoon karon aron wala nay mag-antos? Atong sabton nga ang Ginoo dili motabang
sa tawo pinaagi sa magic. Hinoon, gidapit niya ang katawhan nga magpaambit sa
ilang 2 ka isda ug 5 ka pan. Gikan niini gipakaon niya ang liboan ka mga tawo.
Kada adlaw ang Dios nag-atiman sa kalibotan. Wala Siya magkulang tungod kay ang
pagkaon sa kalibotan naghinobra. Ang kagutom dili mahimong problema kon ang
tawo makat-on sa pagpaambit ug paghigugma.
