MATEO 18:15-20. Kinsa man ang angay’ng magbantay ug
maglantaw sa kaayohan sa usag-usa? Diha sa ebanghelyo gipaklaro ni Kristo nga
matag sakop sa iyang katilingban adunay kaakohan sa iyang mga kauban. Dili kita
angay’ng mahisama kang Cain nga moingon, “Magbalantay ba diay ako sa akong
igsoon?” Kon aduna kitay igsoon nga makasala o motipas ngadto sa daotang dalan,
dili nato siya pasagdan. Imbis nga daoton ug libakon, ato hinoon siyang duolon,
estoryahan ug tambagan. Kon siya nakasala ug nakapasakit kanato, ato siyang
pangutan-on kon nganong iya kining gihimo ug pasabton sa sala nga iyang nahimo.
Ang tuyo sa atong pagduol sa makasasala dili ang paghukom ug pagpanimalos
kondili ang pagpasaylo ug pagpahiuli kaniya ngadto sa katilingban nga nagmugna sa
Lawas ni Kristo.
