MATEO 18:1-5,10,12-14. Kinsa man ang gipasabot ni
Jesus nga sama sa “mga bata”, nga maoy labing halangdon sa mga mata sa Dios?
Una, ang “mga bata” mao ang mga tawo nga labing nanginahanglan og tabang. Sila
ang mga kabos, walay trabaho, masakiton, inosente, ug walay tingog sa katilingban.
Kon ato silang tagdon ug tabangan, sama ra nga atong gidawat ug giatiman si Kristo.
Ikaduha, ang “mga bata” mao ang mga tawo nga mapaubsanon ug wala mangandoy nga
daygon sa katawhan. Nasayod sila nga ang tanan nga ilang nakab-ot bunga sa
lihok ug grasya sa Dios. Ug sa katapusan, ang “mga bata” mao ang mga tawo nga
kanunay nagasalig sa Ginoo. Kada adlaw mag-ampo sila tungod kay nasayod sila
nga kon wala ang Ginoo wala silay mahimo.
