MATEO 23:13-22.
Nganong sayop man ang pagpakaaron-ingnon? Ang pagpakaaron-ingnon usa ka matang
sa pagpamakak ug pagpangilad. Usa ka tigpakaaron-ingnon ang tawo nga magpakita
nga siya maayo ug dalaygon apan sa kasingkasing siya salawayon.
Tigpakaaron-ingnon usab ang tawo nga magtudlo sa angay'ng buhaton apan siya
mismo dili magbuhat sa ingon. Gitawag ni Jesus ang mga Pariseo og “tigpakaaron-ingnon”
tungod kay ang ilang gipangtudlo ug ang ilang kinabuhi wala man magkatakdo. Ang
ilang kasingkasing kulang sa espiritu sa kalooy, gugma, ug hustisya. Usahay,
kita usab magpakaaron-ingnon aron tabonan ang atong pagkatawhanon ug aron daygon
sa mga tawo. Busa, angay kitang mangayog pasaylo sa Dios sa mga panahon nga
kita dili matinud-anon Kaniya ug sa isigkaingon.
