Mateo 14:13-21. Unsa may atong mahimo aron matabangan
ang uban sa ilang mga suliran? Atubangan sa daghang problema sa kinabuhi – kapobrehon,
sakit, kagutom, ug uban pa – daghan kanato mopiyong nalang sa mga mata. Mobati
kita nga wala tay mahimo kay dako ug daghan ra kaayo ang mga problema. Moingon
kita, “Unsa ra may atong mahimo nga kabos ra man sab ta?" Apan ang ebanghelyo
karon nagpasabot nga bisan unsa ka gamay ang anaa kanato, kon kini atong
ipaambit ug pabendisyonan sa Ginoo, kini makatabang na’g dako sa isigkatawo. Mapamatud-an
man kini sa atong kaugalingong kasinati-an. Ang mga pobre nga maghiusa
pagpaambit sa ilang panahon ug katakos pwede nga makahimo’g balay alang sa
ilang kauban nga kabos. Ug kon ang katawhan, pobre ug dato, magtinabangay
mahimo kining hamugaway.
