MATEO 19:13-15. Unsa man ang sakto – ang magbinata
o ang magpakabata? Ang magbinata ingon ani: Mangayo ka sa Dios bisan unsay
imong ganahan. Kon ihatag ang imong gipangayo, malipay ka ug daygon nimo ang
Ginoo; kon dili, mangluod ka ug mohunong na sa pag-ampo. Maayo ka ug
matinabangon sa mga tawo nga magdayeg nimo ug andam kanunay sa pagsunod sa
imong gusto. Apan, masuko ka ug makigbungol sa mga tawo nga mosaway sa imong hunahuna
ug dili mosunod sa imong plano. Malipay ba ang Dios kon sama niini ang atong
kinaiya? Dili. Ang magpakabata ingon ani: Mitubo ka na ug miasenso, apan
nagpabilin kang mapaubsanon ug masaligon sa Ginoo. Adunay mga tawo nga imong
gikasumpaki, apan dili ka magdumot ug dali rang magpasaylo. Kini mao ang
kalidad sa mga bata nga maoy gustong ipasunod kanato ni Kristo.
